መንግስት በቅርቡ ባወጣው አዲስ የተጨማሪ እሴት ታክስ ሕግ ቁጥር 1341/2016 መሰረት ባንኮች በሚሰጧቸው አገልግሎቶች ላይ ተጨማሪ እሴት ታክስ እንዲጣል ስለታወጀ ባንካችንም ይህንን የተጣለውን ግዴታ ለመወጣት ከመስከረም 21 ቀን 2017 ዓ. ም ጀምሮ በባንካችን አገልግሎቶች ላይ በሚከፈል የአገልግሎት ክፍያ ላይ የተጨማሪ እሴት ታክስ ታሪፍ የተጨመረ መሆኑን በአክብሮት እናሳውቃለን።

በአፍሪካ ሻምፒየንስ ሊግ  ሁለተኛ ዙር ቅድመ ማጣርያ የመጀመሪያ ጨዋታ የኢትዮጵያ ንግድ ባንክ በታንዛኒያው ያንግ አፍሪካንስ  1 ለ 0 በሆነ ጠባብ ውጤት ተሸንፏል፡፡ የመልስ ጨዋታው በቀጣዩ ቅዳሜ ዛንዚባር ላይ የሚደረግ ይሆናል።

በካፍ ሻምፒዮንስ ሊግ ኢትዮጵያን የወከለው የኢትዮጵያ ንግድ ባንክ ዛሬ መስከረም 4 ቀን 2017 ዓ/ም ከቀኑ በ9፡00 ሰዓት በአበበ ቢቄላ ስታዲየም ከታንዛኒያው ያንግ አፍሪካንስ ጋር ይጫወታል፡፡ የኢትዮጵያ ንግድ ባንክ በካፍ ሻምፒየንስ ሊግ የቅድመ ማጣሪያ ጨዋታ የዩጋንዳውን ኤስ ሲ ቪላ በድምር ውጤት 3 ለ 2 በማሸነፍ ወደ ቀጣዩ ዙር ማለፉ ይታወቃል። መልካም ዕድል ለኢትዮጵያ ንግድ ባንክ የወንዶች እግር ኳስ ቡድን!

የሴካፋ ሀገራት ሻምፒዮንስ ሊግ አሸናፊው የኢትዮጵያ ንግድ ባንክ የሴቶች እግር ኳስ ቡድን በባንካችን ዋና መስሪያ ቤት በመገኘት ከሠራተኞች ጋር ደስታውን ተጋርቷል። **** ሻምፒዮኑ ቡድን በዋና ዋና የአዲስ አበባ ጎዳናዎች በመዘዋወር ደስታውን ከህዝብ ጋር ተካፍሎ ዋናው መስሪያ ቤት ሲደርስ ደማቅ አቀባበል ተደርጎለታል። ቡድኑ ዋንጫውን ለባንካችን ፕሬዚዳንት አቶ አቤ ሳኖ አስረክቧል። የእንኳን ደስ አላችሁ መልእክት ያስተላለፉት አቶ አቤ፣ ለቡድኑ አባላት የአበባ ጉንጉን አበርክተዋል ፡፡

የኢትዮጵያ ንግድ ባንክ ኬኒያ ፖሊስ ቡሌትስን 1 ለ 0 በማሸነፍ የካፍ ሴቶች ሻምፒዮንስ ሊግ የሴካፋ ሀገራት ሻምፒዮን ሆኗል! በኢትዮጵያ አስተናጋጅነት ከነሀሴ 11 ቀን 2016 ጀምሮ ሲካሄድ በቆየው በዚህ ሻምፒዮና የኢትዮጵያ ተወካዩ የኢትዮጵያ ንግድ ባንክ ማሸነፉን ተከትሎ የሴካፋ ዞንን በመወከል በካፍ የአፍሪካ ሴቶች ሻምፒዮንስ ሊግ የሚሳተፍ ይሆናል፡፡